Den gamle Elstrup sang

VISEN OM ELSTRUP

Melodifil:  ELSTRUP

Jens Møller vil´så gjenn væ præst,
men blev kun til en skomagerlæst.
Fideralla…

E fåstånde her nen o e statsjon
æ li så flink akotåt som e kun.
Fideralla…

Så kømme vi hen te Pæ cement,
han sæl nove mjøl, det æ patent.
Fideralla…

Ven vi no kømme te møl mæ en sæk,
så bæ e mølle mæ glej den væk.
Fideralla…

Om somme da seje Hans Chresjen Fåue,
da æ det ålti væst mæ flåue.
Fideralla…

Pæ Clausen plånde katøfle å kol,
og hans piche gi nove årnle vrol.
Fideralla…

Jes Muus det væældig tykke bæst,
hæ gi Jøn Dus en bost te sin  hest.
Fideralla…

Det trænge sig også såre hat,
få det hænge i nåve stua klat.
Fideralla…

Jens Ånnesen æ en dejle månd,
å han hæ fåt en guj fåståen.
Fideralla…

 Så kømme vi næn te Chresjen Bet,
hans dædde hun sædde e hoa så slet.
Fideralla…

 Så kømme vi øve te Jøn Dreje og e kun,
de æ de bæst folk i e kommun.
Fideralla…

Så kømme vi næn te Jes og Trinne,
de vøl så gjen kik u a e vinne.
Fideralla…

E smæjgreng sleer mæ den stua hamme,
men han æ alle o sit kamme.
Fideralla…

Jesbesen æ glaj med fisk,
men han kån knap sie op o e disk.
Fideralla…

 Håns Kråg han hæ så månne folk,
men ingen kan han fo te å målk.
Fideralla…

 E umaches hest æ godt i stån,
og den kån træk et stuat las sån.
Fideralla…

Så kømme vi nnæn te lam Mari,
æ trua bestemt e særg æ for si.
Fideralla…

E kromåndæ en lillevidde månd,
men han æ skidt te å skænk ove kånd.
Fideralla…

Annå Vovlsang hun æ tyk å stua,
det æ godt hun hæ en magge i sin mua.
Fideralla… 

Den vise den æ digte a
Jens Tobak og Mi Cigar.
Fideralla…

Så slutter vi vor lil revy,
no vøl vi vos en bajer ty.
Fideralla…

S K Å L !                                                                         Hilsen  J E N S.

Den gamle Elstrup sang blev fundet frem da Ernst Linow var ved at gennemgå sine arkiver. Ernst husker desværre ikke hvem han har fået den fra, men gamle – nu afdøde – Elstrupper mener at det var Martin N. Hansen der i en lystig stund forfattede sangen. Det er dog kun et gæt. Martin N. Hansen, den alsiske digter, kom meget i Elstrup som ung mand, da hans mor var husholderske hos Jørgen Duus, dæ ho e stæj sis ve e høge.

Skriv et svar

Din e-mailadresse vil ikke blive publiceret. Krævede felter er markeret med *